یمنی فوج نے عرب اتحاد کی مدد سے القاعدہ کا کیمپ قبضے میں لے لیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمن کی سرکاری فوج نے عرب اتحادی فوج کی معاونت سے بین گورنری کی وادی عمران میں ایک کارروائی کے دوران القاعدہ کا کیمپ قبضے میں لے لیا ہے۔

العربیہ ڈاٹ نیٹ کے مطابق یمنی فوج نے ہفتے کے روز عرب اتحادی فوج کی معاونت سے بین میں وادی عمران کے علاقے مودیۃ میں القاعدہ کے ایک کیمپ پر حملہ کرکے اسے اپنی تحویل میں لے لیا۔

اس کیمپ کے بارے میں‌کہاجاتا ہے کہ یہ یمن میں القاعدہ کا سب سے بڑا تربیتی مرکز ہے۔ یمنی فوج کی کارروائی سے قبل عرب اتحادی فوج نے مودیہ میں القاعدہ کے مرکز پرفضائی حملہ کیا جس کے نتیجے میں تنظیم کے متعدد جنگجو ہلاک ہوگئے۔

عرب اتحادی فوج نے مودیہ کے مشرق مین وادی عورمان میں بھی القاعدہ کے ٹھکانوں پربمباری کی۔

یمن میں آئینی حکومت کی رٹ بحال کرنے میں معاونت کرنے والی عرب اتحادی فوج کی طرف سے شدت پسندوں کے خلاف اس طرح کی کارروائیاں جاری رہتی ہیں۔ سات جنوری کو عرب اتحادی فوج نے القاعدہ کے ایک فیلڈ کمانڈر کی رہائش گاہ پرحملہ کرکے اسے تباہ کردیا تھا جب کہ دوسرا حملہ فروری کے اوائل میں کیا گیا۔ ان کارروائیوں کےدوران ایرانی اسلحہ اور گولہ بارود قبضے میں لیا گیا ہے۔

مقبول خبریں اہم خبریں

مقبول خبریں