یمن: حوثی باغیوں کی 24 گھنٹوں میں جنگ بندی کی 18 خلاف ورزیاں

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمن میں ایران نواز حوثی باغیوں کی طرف سے الحدیدہ شہر اور بندرگاہ پر جنگ بندی کی خلاف ورزیوں کا سلسلہ جاری ہے۔

یمن میں آئینی حکومت کے دفاع کے لیے کام کرنے والے عرب اتحاد کی طرف سے جاری کردہ ایک بیان میں کہا گیا ہے کہ حوثیوں کی طرف سے الحدیدہ میں چوبیس گھنٹوں کے دوران جنگ بندی کی 18 بار خلاف ورزی کی گئی۔

اتحادی فوج کی طرف سے جاری ایک بیان میں کہا گیا ہے کہ ایرانی حمایت یافتہ حوثی ملیشیا نے الحدیدہ میں الحیس، الفازہ اور الجبلیہ میں ھاون راکٹوں اور ہلکے اور درمیانے ہتھیاروں کا استعمال کیا گیا۔ اس گولہ باری کے نتیجے میں شہری جاں‌ بحق اور متعدد زخمی ہوگئے۔

ادھر اسی سیاق میں برطانیہ نے حوثی ملیشیا پر زور دیا ہے کہ وہ جنگ بندی معاہدے کے تحت الحدیدہ سے اپنے جنگجوئوں کو باہر نکالے تاکہ علاقے میں گذشتہ برس سویڈن اور اقوام متحدہ کی کوششوں سے طے پائے جنگ بندی معاہدے پر عمل درآمد کیا جا سکے۔

برطانوی حکومت کے ترجمان الیسن کینگ کا کہنا ہے کہ یمن کے بحران کا حل سیاسی بات چیت میں پوشیدہ ہے۔

مقبول خبریں اہم خبریں

مقبول خبریں