اسرائیل کے غزہ میں حماس کی تنصیبات پر فضائی حملے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

اسرائیل فوج نے غزہ کی پٹی کے مکین محصور فلسطین کے خلاف ایک نئی جنگ مسلط کردی ہے اور اس نے حماس کے نام پر سوموار کو مختلف اہداف کو فضائی بمباری میں نشانہ بنایا ہے۔

برطانوی خبررساں ایجنسی رائیٹرز نے عینی شاہدین کے حوالے سے بتایا کہ انھوں نے غزہ میں اسرائیلی فوج کے حملے کے بعد دھماکوں کی آوازیں سنی ہیں۔

اسرائیلی فوج نے ایک بیان میں کہا ہے کہ اس نے غزہ کی پٹی کے تمام علاقے میں حماس کے اہدا ف کو نشانہ بنانا شروع کردیا ہے۔اس نے غزہ شہر کے مغرب میں حماس کے ایک بحری ٹھکانے کو نشانہ بنایا ہے اور شمال میں ایک تربیتی کیمپ پر بمباری کی ہے

لیکن ان دونوں جگہو ں کو پہلے ہی خالی کروا لیا گیا تھا اور حماس نے کئی گھنٹے پہلے غزہ کے مکینوں کو اسرائیل کے فضائی حملوں کے بارے میں خبردار کردیا تھا ۔عینی شاہدین کا کہنا ہے کہ شمالی ہدف پر تین میزائل داغے گئے ہیں۔

قبل ازیں اسرائیلی وزیراعظم بنیامین نیتن یاہو نے اسرائیل کی جانب فلسطینی علاقے سے راکٹ حملے کے جواب میں سخت کاروائی کی دھمکی دی تھی۔اسرائیلی علاقے میں راکٹ گرنے سے سات افراد زخمی ہوگئے تھے۔

مقبول خبریں اہم خبریں

مقبول خبریں