سعودی عرب لیبیا کے امن، استحکام اور خوشحالی کا خواہاں ہے: شاہ سلمان

لیبی فوج کے سربراہ کی الریاض میں سعودی فرمانروا سے ملاقات

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

لیبیا کی مسلح افواج کے سربراہ جنر خلیفہ حفتر نے گذشتہ روز اپنے دورہ سعودی عرب کے دوران الریاض میں سعودی فرمانروا شاہ سلمان بن عبدالعزیز سے ملاقات کی۔

العربیہ ڈاٹ نیٹ کے مطابق اس موقع پر بات چیت کرتے ہوئے شاہ سلمان نے کہا کہ سعودی عرب برادری ملک لیبیا کی ترقی، امن ، استحکام اور خوش حالی کا خواہاں ہے۔

دونوں رہ نمائوں کے درمیان ہونے والی بات چیت میں علاقائی اور عالمی امور پر تفصیلی بات چیت کی گئی۔

لیبیا کی فوج کے ترجمان میجر جنرل احمد المسماری نے کہا کہ لیبیا کے بعض گروپ ملک کے خلاف سازشوں میں سرگرم ہیں۔ ان میں مشرقی علاقوں کاعسکری گروپ بھی شامل ہے جسے جنوبی علاقوں میں کچل دیا گیا ہے۔

المسماری نے کہا کہ دہشت گردی کے خلاف جنگ ختم نہیں‌ہوئی۔ بندوق کی زبان میں بات کرنے والے سے بندوق ہی کےذریعے بات کی جائے گی۔

انہوں‌نے لیبیا میں عدم استحکام پھیلانے کے لیے ترکی، قطر اور اٹلی کو ذمہ دار ٹھہرایا اور ان ممالک کے محاسبے پر زور دیا۔ ترجمان کا کہنا تھا کہ لیبیا میں ترکی، قطر اور بعض دوسرے ممالک کی مداخلت کے ٹھوس ثبوت موجود ہیں۔

مقبول خبریں اہم خبریں

مقبول خبریں