سعودی عرب پرشامی عازمین حج کو روکنے کا الزام بے بنیاد ہے:اپوزیشن

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

شامی اپوزیشن اتحاد نے اسد رجیم کے اس دعوے کو بے بنیاد قرار دیا ہے جس میں سعودی عرب پر الزام عاید کیا گیا ہے کہ وہ شامی عازمین حج کی راہ میں رکاوٹیں کھڑی کرنے کررہا ہے۔

العربیہ ڈاٹ نیٹ کےمطابق شامی اپوزیشن اتحاد کی طرف سے جاری کردہ بیان میں کہا گیا ہے کہ سعودی عرب شامی شہریوں کو حج و عمرہ کی ادائی کے لیے تمام سہولیات فراہم کررہا ہے مگر اسد رجیم کے وزیر برائے مذہبی امور واوقاف کی طرف سے سعودی عرب پر عازمین حج کو روکنے کا بے بنیاد الزام عاید کیا گیا ہے۔

بیان میں مزید کہا گیاہے کہ شامی اپوزیشن کی سپریم کمیٹی برائے حج وعمرہ گذشتہ سات سال سے سعودی عرب کے ساتھ رابطے میں ہے اور عازمین حج کو سعودیہ کی طرف سے مسلسل سہولیات فراہم کی جا رہی ہیں۔

بیان میں مزید کہا گیا ہے کہ سنہ 2019ء کے دوران 22500 شامی شہری فریضہ حج کی سعادت حاصل کریں گے۔ آئندہ برسوں میں اس تعداد میں مزید اضافہ ہوگا۔

مقبول خبریں اہم خبریں

مقبول خبریں