الحدیدہ میں حوثیوں کا "مارٹر" حملہ ، التحیتا میں دراندازی کی کوشش ناکام

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

یمن میں مقامی آبادی نے اتوار کی شب بتایا کہ الحدیدہ شہر میں رہائشی علاقوں میں تعینات باغی حوثی ملیشیا کے ارکان نے شہر کے مشرقی حصے میں واقع علاقوں پر کثرت سے مارٹر گولے داغے۔ الحدیدہ میں مشرقی حصے میں کئی مقامات پر مشترکہ فورسز کا کنٹرول ہے۔

الحدیدہ شہر میں حوثی ملیشیا کی جانب سے بڑے پیمانے پر مسلح جارحیت دیکھنے میں آئی ہے۔ ملیشیا نے گزشتہ گھنٹوں کے دوران شارع صنعاء اور شہر کے اطراف مشترکہ فورسز کی مزاحمت کے علاقوں کی سمت کئی حملے کیے۔ تاہم اسے ناکامی کے ساتھ ہلاکتوں اور زخمیوں کی صورت میں جانی نقصان کا بھی سامنا کرنا پڑا۔

اس سلسلے میں العمالقہ بریگیڈز کے یونٹوں نے اتوار کی شام الحدیدہ صوبے کے جنوبی ضلع التحیتا میں مشترکہ فورسز کے ٹھکانوں پر حوثی ملیشیا کے حملے کو پسپا کر دیا۔ اس دوران باغیوں نے کئی مارٹر گولے داغے تاہم مشترکہ مزاحمتی فورسز نے حملے کو ناکام بنا دیا اور حوثیوں کو بھاری نقصان اٹھانا پڑا۔

ایرانی حمایت یافتہ ملیشیا کی جانب سے یہ منظم جارحیت دراصل سویڈن معاہدے کی پاسداری سے فرار کی کوششوں میں شامل ہے۔ بالخصوص ہفتے کے روز اقوام متحدہ کے مبصر مشن کے سربراہ ڈینش جنرل مائیکل لولزگارڈ اور حکومتی ٹیم کے اجلاس کے بعد جس میں نئے منصوبے کے تحت از سر نو صف بندی کے حوالے سے تکنیکی پہلوؤں کو حتمی شکل دی گئی۔

مقبول خبریں اہم خبریں

مقبول خبریں