حوثی ملیشیا کی شہری آبادی پر وحشیانہ گولہ باری سے تین خواتین جاں بحق

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمن کی ایرانی حمایت یافتہ حوثی ملیشیا نے بدھ کے روز مغربی ساحلی علاقے الحدیدہ میں شہری آبادی پر گولہ باری کی جس کے نتیجے میں خواتین سمیت متعدد عام شہری جاں‌بحق اور زخمی ہوگئے۔

العربیہ ڈاٹ نیٹ کے مطابق حوثی باغیوں نے الحدیدہ گورنری میں الربصہ کالونی میں قائم النجاح اسکول پر گولہ باری کی۔ حوثیوں کی وحشیانہ گولہ باری سے تین خواتین سمیت متعدد شہری مارے گئے۔

گولہ باری کے نتیجے میں شہری املاک مکانوں اور دیگر املاک کو بھی غیرمعمولی نقصان پہنچا ہے۔

ادھر یمنی فوج کے العمالقہ بریگیڈ کے شعبہ اطلاعات کی طرف سےجاری کردہ ایک بیان میں کہا گیا ہے کہ حوثی باغیوں نے الحدیدہ میں التحیتا ڈاریکٹوریٹ کے زیرانتظام آنے والے علاقوں پر بلا اشتعال گولہ باری کی جس کے نتیجے میں املاک کو نقصان پہنچا۔

یمنی فوج ک کہنا ہے کہ حوثی باغیوں نے شہری آبادی پر توپ خانے کےساتھ ساتھ ھاون راکٹوں ارو 'لو' میزائلوں سے بھی حملے کیے۔

مقبول خبریں اہم خبریں

مقبول خبریں