.

سعودی عرب : تبوک کے لوگ برف باری سے لطف اندوز ہونے میں مصروف

پہلی اشاعت: آخری اپ ڈیٹ:

سعودی عرب کے صوبے تبوک میں اللوز کے پہاڑوں پر ہونے والی برف باری ایک ایسا خوب صورت قدرتی منظر پیش کر رہی ہے جس سے مقامی لوگ بھرپور انداز سے لطف اندوز ہو رہے ہیں۔

اللوز کے پہاڑوں کی چوٹیوں پر برف کی سفید چادر پڑی ہوئی ہے۔ یہ دل موہ لینے والے مناظر یہاں آنے والوں کے لیے کشش کا بھرپور ذریعہ ہے۔

سعودی شہری فہد السحیمی کہتے ہیں کہ وہ برف باری کے مناظر کے عاشق ہیں۔ فہد کو جوں ہی برف گرنے کا معلوم ہوا تو وہ اللوز کے پہاڑوں پر چڑھ گئے اور وہاں عربی قہوہ نوش کیا۔ اس طرح انہوں نے برف کے بیچ حقیقی تفریح اور مزے کا حامل وقت گزارا۔

اسی طرح ایک اور شہری نائف ابو سالم کے مطابق اللوز کے پہاڑوں پر برف باری کے فوری بعد وہ برفانی ماحول کا لطف اٹھانے کے لیے روانہ ہو گئے۔ انہوں نے واضح کیا کہ یہ برف پر پھسلنے اور ہاتھوں میں برف اٹھا کر کھیلنے کا اچھا موقع ہوتا ہے۔

محمد الشمری تبوک میں سکونت پذیر ہیں۔ وہ اللوز کے پہاڑوں کی چوٹیوں پر گرنے والی برف باری کے نتیجے میں سامنے آنے والے حسین مناظر کو دیکھنے کے لیے باہر نکلنے والوں میں شامل تھے۔ الشمری کے مطابق وہ صبح سویرے سے علاقے میں آ گئے تھے اور انہوں نے ان دل کش مناظر کو اپنے کیمرے کی آنکھ میں محفوظ بھی کیا۔