سعودی عرب 2020ء میں 'جی 20' سربراہ اجلاس کی میزبانی کرے گا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب 20 بڑی معاشی طاقتوں کے نمائندہ گروپ 'جی 20' کے 21 اور 22 نومبر 2020ء کو ہونے والے پندرہویں سالانہ سربراہ اجلاس کی میزبانی کرے گا۔

سعودی عرب نے 'جی 20' سربراہ اجلاس کی میزبان ملنے کا خیرمقدم کیا ہے اور کہا ہے کہ یہ اجلاس سعودی فرمانروا خادم الحرمین الشریفین شاہ سلمان عبدالعزیز آل سعود کی زیر صدارت منعقد ہوگا۔ اجلاس میں بین الاقوامی سطح کے معاشی مسائل پر بحث کی جائے گی۔

خیال رہے کہ 'جی 20' گروپ میں دنیا کی دو تہائی آبادی،85 فی صد عالمی معیشت اور 75 فی صد عالمی تجارت کرنے والے ممالک شامل ہیں۔

جی 20 کے سنہ 2020ء میں ہونے والے اجلاس میں سعودی عرب کی طرف سے گروپ کے ارکان کے سامنے اہداف کے حصول، اجلاس کے ایجنڈے میں شامل اقتصادی تجاویز پر عالمی اتفاق رائے پیدا کرنے اور عالمی اقتصادی استحکام و ترقی پر مثبت تجاویز پیش کی جائیں گی۔

اجلاس میں مشرق وسطیٰ اور شمالی افریقا کے خطوں کو درپیش معاشی مسائل بھی زیر بحث لائے جائیں گے۔

اس اجلاس میں سعودی عرب کی دعوت پر بین الاقوامی،علاقائی تنظیموں کی شرکت اور بڑے معاشی گروپوں کی شرکت بھی یقینی بنائی جائے گی۔

مقبول خبریں اہم خبریں

مقبول خبریں