حوثی ملیشیا نے نجران میں ایک شہری مقام کو نشانہ بنانے کی کوشش کی : عرب اتحاد

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمن میں آئینی حکومت کو سپورٹ کرنے والے عرب اتحاد کی فورسز کے سرکاری ترجمان کرنل ترکی المالکی نے اعلان کیا ہے کہ دہشت گرد حوثی ملیشیا نے سعودی عرب کے شہر نجران میں دھماکہ خیز مواد کے حامل ڈرون طیارے کے ذریعے ایک اہم تنصیب کو نشانہ بنانے کی کوشش کی ہے۔ اس مقام کو سعودی شہری اور غیر ملکی مقیم افراد استعمال کرتے ہیں۔

المالکی نے منگل کے روز اپنے بیان میں کہا کہ ایران کی حمایت یافتہ ملیشیا نے دہشت گرد کارروائیوں کا سلسلہ جاری رکھا ہوا ہے جو علاقائی اور بین الاقوامی امن کے لیے ایک حقیقی خطرہ ہے۔ حوثی باغی شہری مقامات اور تنصیبات کو نشانہ بنا رہے ہیں اور اس طرح مقامی شہری اور ہر شہریت کے حامل مقیم افراد ان کے نشانے پر ہیں۔

ترجمان نے حوثی ملیشیا کو شہری تنصیبات اور شہریوں کو نشانہ بنانے کی کوشش سے خبردار کرتے ہوئے کہا کہ "اس حوالے سے سخت جواب دیا جائے گا اور مشترکہ فورسز کی کمان تمام تر جوابی اقدامات کرے گی۔ یہ اقدامات بین الاقوامی اور انسانی قانون کے مطابق اور عُرف میں رائج ضوابط کے تحت ہوں گے"۔

سعودی فضائی دفاعی فورسز نے پیر کو علی الصبح دو بیلسٹک میزائلوں کا راستہ روک دیا تھا۔ ان میں پہلا طائف شہر کے اوپر اور دوسرا جدہ شہر کے اوپر تباہ کیا گیا۔

مقبول خبریں اہم خبریں

مقبول خبریں