.

فضائی میزبان اور کویتی پارلیمنٹرین کی اہلیہ دوران پرواز کس بات پر جھگڑیں؟

ہوائی جہاز میں کشیدگی کےبعد ہواباز کا کنٹرول روم سے رابطہ

پہلی اشاعت: آخری اپ ڈیٹ:

مصر سے کویت آنے والی ایک پرواز میں فضائی میزبان اور ایک کویتی مسافر خاتون کے درمیان ہونے والی لڑائی نے نہ صرف مسافروں کو پریشان کردیا بلکہ ہوائی جہاز کے پائلٹ کو بھی مدد کے لیے کنٹرول روم سے رابطہ کرنا پڑا۔

العربیہ ڈاٹ‌ نیٹ کے مطابق کویت کے ایک سابق رکن پارلیمنٹ اور صحافی کی اہلیہ کا فضائی میزبان کے ساتھ کسی بات پر تنازع پیدا ہوا جو اس حد تک شدت اختیار کر گیا کہ اس کی وجہ سے دیگر مسافر بھی پریشان ہو گئے۔

کویتی اخبار'القبس' کے مطابق جہاز میں پیدا ہونے والی کشیدگی ختم کرنے کے لیے پائلٹ کو کنٹرول روم سے رابطہ کرنا پڑا۔ کویت میں جہاز کی لینڈنگ کے بعد دونوں خواتین کو پولیس نے اپنی تحویل میں‌ لے لیا ہے۔

کویتی اخبار'الرائے' کے مطابق فضائی میزبان نے"مجلس امہ" کے سابق رکن کی بیوی پر اپنی توہین کا الزام عاید کیا ہے۔ دونوں نے ایک دوسرے پر لڑائی شروع کرنے کا الزام عاید کیا۔