.

عراق: سخت گرمی میں فٹبال کا کھلاڑی میدان میں بے ہوش

فٹبال لیگ کے میچوں کا شیڈول تبدیل کرنے کے مطالبات شدت اختیار کر گئے

پہلی اشاعت: آخری اپ ڈیٹ:

عراق میں جاری فٹبال لیگ کے میچ دوپہر کے وقت منعقد نہ کرانے کے مطالبات میں اس وقت شدت آنا شروع ہو گئی جب سخت گرمی میں کھیلے جانے والے ایک میچ کے دوران انڈسٹریز کلب کا ایک کھلاڑی گر کر بے ہوش گیا۔

ان دنوں عراق میں شدید گرمی کے دوران عراقی فٹبال لیگ کے میچز کھیلے جا رہے ہیں۔ میچوں کے دوران درجہ حرارت چالیس سے پنتالیس ڈگری سینٹی گریڈ تک پہنچ جاتا ہے۔

یاد رہے فٹبال لیگ کے میچ فلڈ لائٹس نہ ہونے کے باعث سخت گرمی میں کھیلے جا رہے ہیں، تاہم گرمی کی وجہ سے کھلاڑی کے غش کھا کر گرنے کے واقعے کے بعد میچوں کا شیڈول تبدیل کرنے کے مطالبات بڑھ گئے ہیں۔