.

جواد ظریف پر امریکی پابندیاں "بچکانہ حرکت "ہے : ایرانی صدر

پہلی اشاعت: آخری اپ ڈیٹ:

ایران کے صدر حسن روحانی کا کہنا ہے کہ امریکا کی جانب سے وزیر خارجہ محمد جواد ظریف پر پابندیوں کا عائد کیا جانا ایک "بچکانہ حرکت" ہے۔

واشنگٹن نے بدھ کے روز ظریف پر پابندیاں عائد کی ہیں۔ اس سے قبل امریکا پیشگی شرائط کے بغیر تہران کے ساتھ بات چیت کی تجویز پیش کر چکا ہے۔

ایرانی سرکاری ٹی وی نے جمعرات کے روز روحانی کے براہ راست نشر ہونے والے بیان کے حوالے سے بتایا کہ "(یہ امریکی) بچکانہ برتاؤ ہر اُتر آئے ہیں... یہ روزانہ راگ الاپتے ہیں کہ ہم پیشگی شرائط کے بغیر بات چیت کے خواہاں ہیں... اور پھر ایرانی وزیر خارجہ پر پابندیاں بھی عائد کرتے ہیں۔

روحانی نے مزید کہا کہ "اس (برتاؤ) کا مطلب ہوا کہ یہ لوگ مناسب طرز فکر سے محروم ہو چکے ہیں"۔