امریکا میں فائرنگ کے واقعات میں اموات پر سعودی فرماں روا اور ولی عہد کی تعزیت

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی فرماں روا شاہ سلمان بن عبدالعزیز آل سعود نے امریکا کے صدر ڈونلڈ ٹرمپ کو ارسال کیے گئے ایک پیغام میں دو امریکی ریاستوں میں فائرنگ کے واقعات پر تعزیت کا اظہار کیا ہے۔ ٹیکساس اور اوہایو کی ریاستوں میں پیش آنے والے حادثات میں متعدد افراد ہلاک اور زخمی ہوئے۔ پیغام میں شاہ سلمان نے کہا کہ "اس موقع پر ہم آپ کے اور امریکی عوام کے ساتھ اس غم میں شریک ہیں .. ہم سعودی عرب کے عوام اور حکومت کی جانب سے آپ کو اور آپ کے عوام کو گہری تعزیت پیش کرتے ہیں .. اور زخمیوں کی جلد صحت یابی کے متمنی ہیں"۔

سعودی ولی عہد شہزادہ محمد بن سلمان بن عبدالعزیز نے بھی امریکی صدر کے نام تعزیتی پیغام بھیجا۔ بن سلمان نے کہا کہ "مجھے ٹیکساس اور اوہایو میں فائرنگ کے واقعات کی خبر پہنچی۔ میں ان واقعات میں موت کا شکار اور زخمی ہونے والوں کے حوالے سے آپ سے اور آپ کے عوام سے گہری تعزیت کا اظہار کرتا ہوں .. ساتھ ہی زخمیوں کی جلد صحت یابی کا آرزو مند ہوں"۔

مقبول خبریں اہم خبریں

مقبول خبریں