نیب نے چوہدری شوگر ملز کیس میں تفتیش کے لیے مریم نواز کو ’تحویل‘ میں لے لیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

پاکستان کے قومی احتساب بیورو [نیب] نے مسلم لیگ نواز کی نائب صدر اور سابق وزیراعظم نواز شریف کی صاحبزادی مریم نواز کو تحویل میں لے لیا ہے۔

مریم نواز اپنے والد سے ملاقات کے لیے جمعرات کو لاہور کی کوٹ لکھپت جیل پہنچیں تو وہاں موجود نیب کی ٹیم ان کی منتظر تھی جو انھیں اپنے ساتھ نیب کے دفتر لے گئی۔

نیب کا کہنا ہے کہ مریم نواز کو قانون کے مطابق اور تفتیش میں عدم تعاون پر تحویل میں لیا گیا ہے۔

یاد رہے نیب مریم نواز کو چوہدری شوگر ملز کیس میں تحقیقات کے لیے طلب کرتا رہا ہے۔ وہ 31 جولائی کو نیب میں اس معاملے میں پیش ہوئی تھیں جہاں تین رکنی ٹیم نے 45 منٹ تک ان سے تفتیش کی تھی۔

اس پیشی کے بعد نیب کے مطابق انھیں ایک نیا سوالنامہ بھی دیا گیا تھا۔ مریم نواز کو اسی معاملے میں آج بھی نیب کے سامنے پیش ہونا تھا تاہم پیشی سے قبل ہی انھیں تحویل میں لے لیا گیا۔

نیب نے مریم نواز کے علاوہ نواز شریف کے بھتیجے یوسف عباس کو بھی حراست میں لیا ہے جو جمعرات کو چوہدری شوگر ملز کیس میں ادارے میں پیش ہوئے تھے۔

مقبول خبریں اہم خبریں

مقبول خبریں