.

حوثی لیڈر کے بھائی کا قتل تنظیم کے اندرونی اختلافات کا نتیجہ ہے:عرب اتحاد

پہلی اشاعت: آخری اپ ڈیٹ:

یمن میں آئینی حکومت کی بحالی کے لیے معاونت کرنے والے عرب اتحاد نے حوثیوں کی طرف سے ان الزامات کو مسترد کردیا ہے جن میں کہا گیا تھا کہ حوثی تنظیم کے سربراہ عبدالملک الحوثی کے بھائی ابراہیم الحوثی کو عرب اتحاد نے قتل کیا ہے۔ عرب اتحادی فوج کا کہنا ہے کہ ابراہیم الحوثی کا قتل حوثی ملیشیا کے اندرونی اختلافات اور اقتدار کی رسا کشی کا نتیجہ ہے۔

العربیہ ڈاٹ نیٹ کے مطابق عرب اتحاد کی طرف سے جاری ایک بیان میں کہا گیا ہے کہ ابراہیم الحوثی کو حوثی ملیشیا کے صنعاء میں قائم ایک مرکز میں ہلاک کیا گیا۔

بیان میں مزید کہا گیا ہے کہ حوثی لیڈر شپ خیانت کی آڑ میں اپنے ہی لوگوں کی گردنیں مار رہی ہے۔

خیال رہےکہ حوثی ملیشیا نے جمعہ کے روز ایک بیان میں اعتراف کیا تھا کہ باغی تنظیم کے سربراہ عبدالملک الحوثی کے ایک بھائی ابراہیم بدرالدین الحوثی کو قتل کردیا گیا ہے۔

حوثیوں کی وزارت داخلہ نے ابراہیم الحوثی کے قتل کی شدید مذمت کرتے ہوئے دعویٰ کیا کہ ابراہیم کو قاتلانہ حملے میں ہلاک کیا گیا۔