.

عمران خان کا سعودی ولی عہد کو فون،کشمیرکی صورت حال پربات چیت

پہلی اشاعت: آخری اپ ڈیٹ:

سعودی عرب کے ولی عہد شہزادہ محمد بن سلمان بن عبدالعزیز اور پاکستان کے وزیراعظم عمران خان کےدرمیان ایک بار پھر ٹیلیفون پربات چیت ہوئی ہے۔ دونوں رہ نمائوں کے درمیان ٹیلیفون پریہ ایک ہفتے میں دوسرا رابطہ ہے۔

کل منگل کو وزیراعظم عمران خان نے سعودی عرب کے ولی عہد سے ٹیلیفون پر بات چیت کی۔ عمران خان نے سعودی عرب کے ولی عہد سے کشمیر کے معاملے پر تبادلہ خیال کیا۔اس موقع پر عمران خان نے کشمیر کی تازہ ترین صورت حال کے بارے میں ولی عہد محمد بن سلمان کو بریفنگ دی۔ قبل ازیں قوم سے خطاب میں عمران خان نے کہا تھا کہ متنازع خطہ جموں و کشمیر کی خصوصی حیثیت ختم کرنے کے بھارتی اقدام کے بعد پاکستان عالم عدالت سے رجوع کرے گا۔

اس کے علاوہ دونوں رہ نمائوں کے درمیان خطے کی مجموعی صورت حال کا بھی جائزہ لیا گیا۔
خیال رہے کہ بھارتی حکومت نے 5 اگست کومقبوضہ کشمیر کی خصوصی حیثیت کے حامل قانون 370 کو ختم کردیا تھا جس کے بعد برسوں سے کشمیر کو حاصل خصوصی تشخص ختم کردیا گیا ہے۔ بھارت کے اس اقدام کے بعد مقبوضہ کشمیر میں مسلسل کرفیو نافذ ہے جبکہ پاکستان اور بھارت کے درمیان بھی سخت کشیدگی پائی جا رہی ہے۔