.

سعودی عرب : الجنادریہ ثقافتی میلہ نومبر 2020 میں ہو گا

پہلی اشاعت: آخری اپ ڈیٹ:

سعودی وزارت ثقافت نے ایک اعلان میں بتایا ہے کہ قومی ورثے اور ثقافت سے متعلق مملکت کا مقبول ترین "الجنادریہ" میلہ اب نومبر 2020 میں ہو گا۔ رواں سال جولائی میں اس سالانہ میلے کے انعقاد اور نگرانی کی ذمے داری نیشنل گارڈز کی وزارت سے لے کر وزارت ثقافت کے حوالے کر دیے جانے کے بعد ،،، یہ میلے کا پہلا نیا ایڈیشن ہو گا۔

دوسری جانب وزارت ثقافت کے سرکاری ترجمان عبدالکریم الحمید نے باور کرایا ہے کہ ان کی وزارت مذکورہ میلے کے ثقافتی مواد کو ترقی دینے اور مختلف نوعیت کے پروگرام اور سرگرمیاں ترتیب دینے کے لیے کوشاں ہے جو قومی ورثے کی گہرائی کی عکاسی کریں۔ علاوہ ازیں سعودی عرب کی جانب سے G-20 سربراہ اجلاس کی میزبانی کے موقع پر دنیا کے مختلف ملکوں سے آنے والے لوگوں کے سامنے مملکت کی بھرپور ثقافت پیش کرنے کا موقع ملے گا۔

الحمید کے مطابق وزارت ثقافت نے ماہرین اور دانش وروں کے ساتھ ملاقاتوں اور ورک شاپس کے سلسلے کا آغاز کر دیا ہے تا کہ ویژن 2030 کی روشنی میں مملکت کی حالیہ تہذیبی ترقی کا ہم پلہ ثقافتی مواد الجنادریہ میلے کے لیے تیار کیا جا سکے۔

یاد رہے کہ آئندہ الجنادریہ میلہ وزارت ثقافت کے زیر انتظام پہلا ایڈیشن ہو گا۔ اس سے قبل 1985 میں آغاز کے بعد سے اب تک ہونے والے 34 ایڈیشنوں کا انعقاد نیشنل گارڈز کی وزارت کرتی آئی ہے۔ اس دوران الجنادریہ کا میلہ قومی ورثے اور تاریخ کی عکاسی کرنے کے حوالے سے قومی مینار ثابت ہوا ،،، اور مقامی اور بین الاقوامی سطح پر لوگوں کی بڑی تعداد کی شرکت ریکارڈ کی گئی۔

اسی طرح تین دہائیوں سے زیادہ کے عرصے میں دنیا کے مختلف ممالک کی قیادت، سینئر ذمے داران اور دانش وروں نے الجنادریہ کے میلے میں اپنی شرکت کو یقینی بنایا۔