خلیج تعاون کونسل کا سربراہ اجلاس 10 دسمبر کو ریاض میں ہو گا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

خلیج تعاون کونسل کی سپریم کونسل کا 40 واں سربراہ اجلاس سعودی فرماں روا شاہ سلمان بن عبدالعزیز آل سعود کے زیر صدارت 10 دسمبر بروز منگل ریاض میں منعقد ہو گا۔ اس بات کا اعلان خلیج تعاون کونسل (جی سی سی) کے سکریٹری جنرل ڈاکٹر عبداللطيف الزيانی نے کیا۔

الزیانی نے واضح کیا کہ خلیجی سربراہ اجلاس کی تیاری کے سلسلے میں وزارتی کونسل کا اجلاس 9 دسمبر بروز پیر ریاض میں جی سی سی کے سکریٹریٹ میں معنقد ہو گا۔

سعودی خبر رساں ایجنسی SPA کے مطابق خلیجی قیادت کے درمیان متعدد اہم موضوعات زیر بحث آئیں گے۔ ان میں خلیجی کونسل کے رکن ممالک کے بیچ سیاسی، دفاعی، سیکورٹی، اقتصادی اور سماجی شعبوں میں تعاون کو مضبوط بنانے کے علاوہ علاقائی اور بین الاقوامی سیاسی پیش رفت اور خطے میں امن و امان کی صورت حال شامل ہے۔

جی سی سی کے سکریٹری جنرل نے اس امید کا اظہار کیا کہ کونسل کا 40 واں سربراہ اجلاس ایسے فیصلوں کے ساتھ اختتام پذیر ہو گا جو رکن ممالک کے درمیان تعاون اور مربوطیت کو گہرا اور مضبوط بنائیں گے۔

مقبول خبریں اہم خبریں

مقبول خبریں