شام : ادلب میں اسکول پر گولہ باری ، 6 افراد ہلاک

پہلی اشاعت: آخری اپ ڈیٹ:
مطالعہ موڈ چلائیں
100% Font Size

شام کے شمال مغربی صوبہ ادلب میں اسدی حکومت کی فورسز نے باغیوں کے زیرقبضہ ایک گاؤں پر گولہ باری کی ہے۔اس کا ہدف ایک اسکول بھی بنا ہے جس کے نتیجے میں چھے افراد ہلاک ہوگئے ہیں۔

شامی فوج نے باغیوں کے زیر قبضہ صوبہ ادلب پرکنٹرول کے لیے 19 دسمبر سے ایک بڑی زمینی کارروائی شروع کررکھی ہے اور اس عرصے میں 40 سے زیادہ دیہات پر دوبارہ قبضہ کر لیا ہے۔

Advertisement

برطانیہ میں قائم شامی رصدگاہ برائے انسانی حقوق نے اطلاع دی ہے کہ بدھ کو گاؤں سرمین میں ایک اسکول پر گولہ باری سے ایک استاد اور چار طالب علم مارے گئے ہیں۔

ادلب سے تعلق رکھنے والے ایک کارکن ہادی عبداللہ نے کہا ہے کہ شامی فوج کے اس حملے میں سات افراد مارے گئے ہیں۔ان میں ایک خاتون اور اس کے چار بچّے شامل ہیں۔ واضح رہے کہ شامی فوج یا روس کے لڑاکا طیاروں کے فضائی حملوں یا جھڑپوں کے فوری بعد ہلاکتوں کی درست تعداد سامنے نہیں آتی ہے اورآزاد مصدقہ ذرائع سے اس تعدادکی تصدیق بھی ممکن نہیں ہوتی ہے۔

دریں اثناء اقوام متحدہ کے رابطہ دفتر برائے انسانی امور نے کہا ہے کہ ادلب میں ان جنگی کارروائیوں کے نتیجے میں 12 دسمبر سے 25 دسمبر تک دو لاکھ 35 ہزار سے زیادہ افراد بے گھر ہوگئے تھے۔ان میں زیادہ تر نے صوبہ ادلب میں واقع شہرمعرۃ النعمان سے نقل مکانی کی ہے۔شامی فوج روس کی فضائی مدد سے اس شہر کی جانب تیزی سے پیش قدمی کررہی ہے۔

مقبول خبریں اہم خبریں