کویت کے وزیر دفاع اور نائب وزیر اعظم الشیخ احمد المنصور الصباح نے خمیس مشیط میں یمن کے لیے قائم عرب فوجی اتحاد کے کمانڈر لیفٹیننٹ جنرل فہد بن ترکی بن عبد العزیز سے ملاقات کی۔
اس موقع پر کویتی وزیر دفاع نے عرب اتحادی فوج میں شامل کویتی فوجی دستے سے بھی ملاقات کی اور ان کے جذبے کو سراہا۔ اپنے دورے کے دوران کویت کے وزیر دفاع نے یمن میں آئینی حکومت کی حمایت اور 'بحالی امید آپریشن' میں شامل کویتی فوجیوں سے ملاقات کی۔
مشترکہ افواج کے کمانڈر لیفٹیننٹ جنرل فہد بن ترکی بن عبد العزیز نے اس موقع پر کویت کے نائب وزیر اعظم اور وزیر دفاع شیخ احمد المنصور الصباح اور ان کے ہمراہ وفد کے اعزاز میں ظہرانے کا اہتمام کیا اور فوجیوں کے ساتھ یاد گاری تصاویر لیں۔
