ایرانی وزیر خارجہ جواد ظریف کہا ہے کہ امریکہ نے بغداد میں ایرانی جنرل سلیمانی پر حملہ کر کے عالمی دہشت گردی کا ارتکاب کیا ہے۔ امریکا کو اس حرکت کے نتائج بھگتنا ہوں گے۔
سوشل میڈیا پر جاری بیان میں ایرانی وزیر خارجہ کا کہنا تھا کہ اپنی سرکش مہم جوئی کے نتائج کی ذمہ داری امریکہ خود اٹھائے گا۔ جواد ظریف کا کہنا تھا کہ جنرل سلیمانی پر حملہ امریکا کی احمقانہ اور خطرناک حرکت ہے۔
ان کا کہنا تھا کہ اس حملہ کے نتائج کی تمام تر ذ مہ داری امریکا پر ہے۔ ان کا کہنا تھا کہ جنرل سلیمانی اس ایرانی مئوثر فورس کے سربراہ تھے جو داعش، القاعدہ، النصرہ اور دیگر گروپوں کے خلاف کارروائی کر رہی تھی۔
