.

مصرکی پانچ سالہ ننھی تیا حمدی ملکہ حسن اور کمرشل اسٹار کیسے بنی؟

پہلی اشاعت: آخری اپ ڈیٹ:

مصر اور روس کے ذرائع ابلاغ میں ان دنوں ایک پانچ سالہ مصری نژاد پانچ سالہ تیا حمدی حسن نامی بچی کے غیرمعمولی چرچے ہیں۔ روس کے دارالحکومت ماسکو اور دوسرے بڑے شہروں میں ہرطرف تیا حمدی حسن کی تصاویر کی بھرمار ہے اور اسے 'ننھی ہیروئن' کےروپ میں پیش کیا جا رہا ہے۔

العربیہ ڈاٹ نیٹ کے مطابق حالیہ ایام میں تیا حسن روسی اور عالمی ذرائع ابلاغ کی توجہ کا خصوصی مرکز رہی۔ فیشن ماڈلنگ کمپنیوں کی طرف سے بھی اس کے تشہیری پوسٹر جاری کیے گئے مگراس کی وجہ شہرت روس میں بچوں کے مقابلہ حسن میں حصہ لینا اور ملکہ حسن کا خطاب حاصل کرنا ہے۔

تیا حسن کے والد مصری ہیں مگر انہوں نے ایک روسی لڑکی سے شادی کی۔ شادی کے بعد پیدا ہونے والی پہلی اولاد بچی تھی جس کا نام تیا حمدی حسن رکھا گیا۔

العربیہ ڈاٹ نیٹ سے بات کرتے ہوئے تیا حمدی کے والد حسن نے بتایا کہ ان کی بچی کے پاس مصر اور روس دونوں کی شہریت ہے۔ بچی جب صرف ڈیڑھ سال کی عمر کی تھی تو اس میں غیرمعمولی صلاحیتیں ظاہر ہونا شروع ہوئیں۔ وہ مصری عربی زبان کے ساتھ روسی زبان بھی بولنے لگی۔ بلا کی ذھین، غیرمعمولی قوت حافظہ کی مالک اور بالی وڈ رقص میں دلچسپی لے رہی تھی۔

بچی کی ان خوبیوں کو دیکھتے ہوئے حسن اور اس کی اہلیہ سال میں تین ماہ کا عرصہ روس میں گذارتے۔ وہاں تیا حمدی نے مزید مہارتیں حاصل کیں اور چھوٹی عمر میں اس نے ٹی وی چینلوں میں کمرشل کرنا شروع کردیے۔ روس میں وہ کمرشل ٹی وی اسٹار بن کرابھریں۔ مقامی سطح پربچوں کے درمیان ہونے والے مقابلہ حسن میں حصہ لیا۔ اس مقابلے میں نصف ملین روسی بچیوں نے حصہ لیا مگر کامیابی کا قرعہ فال تیا حمدی کے نام نکلا اور وہ مصری ںژاد روسی ننھی ملکہ حسن قرار پائیں۔ عن قریب وہ بچیوں کے عالمی مقابلہ حسن میں حصہ لیں گی۔ اس کے والدین کا کہنا ہے کہ ان کی بچی مصری ذہانت اور روسی خوبصورتی کا حسین امتزاج ہے۔

مقبول خبریں اہم خبریں