حلب : بشار کی فوج اور ترکی کی فورسز کے درمیان گولہ باری کا تبادلہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

شام میں انسانی حقوق کے نگراں گروپ المرصد کے مطابق جمعرات کے روز حلب کے دیہی علاقے میں شامی حکومت کی فوج اور ترکی کی فوج کے درمیان توپوں کے ذریعے گولہ باری کا تبادلہ ہوا۔

اس دوران ترکی کی فوج نے حلب کے مغرب میں واقع دیہات ميزناز اور الشيخ علی میں شامی فوج کے ٹھکانوں اور تعیناتی کے مقامات کو نشانہ بنایا جب کہ شامی فوج نے "الفوج 46" کے اطراف اور حلب کے دیہی علاقے میں ترکی کی فوج کی تعیناتی کے مقامات پر گولہ باری کی۔

حلب اور ادلب کے دیہی علاقوں میں وقتا فوقتا متبادل میزائل باری کے سوا مجموعی طور پر خاموشی دیکھی جا رہی ہے۔ شامی فوج میزائلوں کے ذریعے سراقب شہر کے اطراف تعینات شامی اپوزیشن گروپوں کے ٹھکانوں کو نشانہ بناتی ہے۔

المرصد گروپ کے مطابق الفوج 46 میں تعینات ترکی کی فوج نے کفر حلب نامی قصبے میں شامی فوج کے ٹھکانوں پر حملے کیے۔ روسی فوج کے لڑاکا طیاروں نے بھی کئی فضائی حملے کیے جن میں حلب کے مغربی دیہی علاقے میں کفرناہا قصبے کے اطراف کے علاقوں کو نشانہ بنایا گیا۔

مقبول خبریں اہم خبریں

مقبول خبریں