سعودی آرامکو کمپنی کے ایک اعلان کے مطابق رواں ماہ یکم فروری سے مملکت میں پٹرول کی قیمتوں کا جائزہ سہ ماہی کے بجائے ماہانہ بنیادوں پر لیا جائے گا۔
آرامکو کمپنی نے واضح کیا ہے کہ قیمتوں میں ماہانہ ترمیم عیسوی تقویم کے مطابق ہر ماہ کی دس تاریخ کو عمل میں آئے گی۔ نئی قیمتوں کا اطلاق گیارہ تاریخ کی صبح سے ہوا کرے گا۔
آرامکو کے اعلان کے مطابق آج 22 جمادى الثانی 1441هـ مطابق 16 فروری 2020ء سے پٹرول کی نئی قیمتیں یہ ہوں گی :
پٹرول 91 : 1.55 ريال فی لیٹر
پٹرول 95 : 2.11 ريال فی لیٹر
آرامکو کمپنی نے واضح کیا کہ پٹرول کی مقامی قیمتیں ،،، مملکت سے عالمی منڈی کو برآمدات کی قیمتوں میں تبدیلی کے لحاظ سے قابل ترمیم ہوں گی۔
