.

عمرہ اور سیاحت کے سوا تمام ویزوں کا اجرا جاری ہے : سعودی وزارت خارجہ

پہلی اشاعت: آخری اپ ڈیٹ:

قونصل خانوں کے امور سے متعلق سعودی وزارت خارجہ کے سکریٹری تمیم الدوسری کا کہنا ہے کہ کرونا وائرس کے حوالے سے احتیاطی اقدامات کے سلسلے میں معطل کیے جانے والے ویزوں میں صرف عمرے کے ویزے اور بعض ممالک کے لیے سیاحتی ویزے شامل ہیں۔

الدوسری نے تصدیق کی ہے کہ دیگر نوعیت کے ویزے ابھی تک کھلے ہوئے ہیں اور معطلی کے فیصلے کا ان پر کوئی اثر نہیں ہوا۔

انہوں نے یہ بات اتوار کے روز ایک پریس کانفرنس کے دوران بتائی۔ یہ پریس کانفرنس سعودی عرب میں کرونا وائرس سے بچاؤ کے سلسلے میں کیے جانے والے حفاظتی اقدامات اور تیاریوں کی وضاحت کے لیے منعقد کی گئی۔

جی ٹوئنٹی اجلاس میں شرکت کے لیے آنے والوں سے متعلق الدوسری کا کہنا تھا کہ سعودی وزارت خارجہ اور جی ٹوئنٹی کے لیے سعودی سکریٹریٹ باہمی رابطہ کاری سے سرکاری مہمانوں کی مملکت آمد کے انتظامات کر رہے ہیں۔

انہوں نے واضح کیا کہ تمام سرکاری مہمانوں پر صحت سے متعلق وہ ہی اصول و ضوابط کا اطلاق ہو گا جو سعودی حکومت کی جانب سے مقرر کیے گئے ہیں۔