.

ایران کی سپاہِ پاسداران انقلاب کے کمانڈر شام میں ہلاک

پہلی اشاعت: آخری اپ ڈیٹ:

ایران کی سپاہِ پاسداران انقلاب کے کمانڈر فرہاد دبیریان شام میں جمعہ اور ہفتہ کی درمیانی شب پُراسرار حالات میں ہلاک ہوگئے ہیں۔

ایران کی نیم سرکاری خبررساں ایجنسی فارس نے ہفتے کے روز اطلاع دی ہے کہ کمانڈر دبیریان شام کے دارالحکومت دمشق سے جنوب میں دس کلومیٹر دور واقع قصبہ السیّدہ زینب میں ہلاک ہوئے ہیں۔اسی مقام پر نواسیِ رسول حضرت زینب رضی اللہ عنہا کا مزار واقع ہے۔

فارس نے مزید تفصیل نہیں بتائی ہے کہ وہ کیسے ہلاک ہوئے ہیں یا انھیں کسی نے قتل کیا ہے۔البتہ اس نے یہ بتایا ہے کہ دبیریان السیّدہ زینب میں ( سکیورٹی کے) انچارج تھے اور اس سے پہلے وہ شام کے تاریخی شہر پلمائرا (تدمر) میں (پاسداران انقلاب کے) کمانڈر رہے تھے۔