بحرین میں سعودی شہریوں کو 72 گھنٹے میں ملک چھوڑنے کی ہدایت

پہلی اشاعت: آخری اپ ڈیٹ:
مطالعہ موڈ چلائیں
100% Font Size

خلیجی ریاست بحرین میں قائم سعودی عرب کے سفارت خانے کی طرف سے سعودی شہریوں کو ہدایت کی گئی ہے کہ اگر وہ فضائی سروس سے ملک واپس نہیں جاسکتے تو وہ اگلے 72 گھنٹے کے اندر اندر شاہ فہد پل کے راستے مملکت میں واپس جاسکتے ہیں۔

سفارتخانے کی طرف سے جاری ایک بیان میں کہا گیا ہے کہ مملکت کے ایسے شہری جن کے فضائی سروسز کو استعمال کرکے وطن واپس جانے کا خواطر خواہ انتظام نہیں اور وہ گلف ایئر کے ذریعے پرواز نہیں کر سکتے ہیں وہ 72 گھنٹوں کے اندر اندر بری راستے سے شاہ فہد پل کا روٹ استعمال کرکے واپس جاسکتے ہیں۔

Advertisement

سفارت خانے کا کہنا ہے کہ بحرین میں موجود سعودی شہریوں کو درپیش مشکلات کے بعد منامہ میں متعین سعودی عرب کے سفیر شہزداہ سلطان بن احمد بن عبدالعزیز کی طرف سے یہ پیش کش کی گئی ہے تاکہ مملکت کے شہریوں کی وطن واپسی کے عمل میں ان کی مدد کی جاسکے۔

خیال رہے کہ یہ پیش رفت ایک ایسے وقت میں سامنے آئی ہے جب بحرین میں کرونا وائرس کے کیسز میں مسلسل اضافہ دیکھا جا رہا ہے۔

مقبول خبریں اہم خبریں