دبئی ورلڈ کپ کی سپریم آرگنائزنگ کمیٹی کے اعلان کے مطابق کرونا وائرس کے پھیلاؤ کے سبب گھڑ دوڑ کے عظیم ایونٹ کا 25 واں مقابلہ آئندہ سال تک کے لیے ملتوی کر دیا گیا ہے۔
دبئی کی حکومت کی جانب سے نشر کیے جانے والے بیان میں کمیٹی کا کہنا ہے کہ "مقابلے کے تمام شرکاء کی صحت و سلامتی کی خاطر دبئی ورلڈ کپ کی سپریم آرگنائزنگ کمیٹی نے 25 ویں ایونٹ کو آئندہ برس تک ملتوی کرنے کا فیصلہ کیا ہے"۔
متحدہ عرب امارات کی وزارت صحت ، کمیونٹی پروٹیکشن اور نیشنل ایمرجنسی اینڈ کرائسس اتھارٹی نے تمام سمندری ساحلوں، تجارتی مراکز، شاپنگ مالز اور کھلی منڈیوں کو بند کرنے کا فیصلہ کیا ہے۔ تاہم اس پابندی کا اطلاق مچھلی کی دکانوں، ، سبزیوں، خوراک، ادویات اور گوشت فروخت کی دکانوں پر نہیں ہوگا۔ دریں اثناء متحدہ عرب امارات کی شہری ہوا بازی کی جنرل اتھارٹی نے تمام پروازیں دو ہفتوں کے لیے معطل رکھنے کا اعلان کیا۔
وزارت صحت ، کمیونٹی پروٹیکشن اور نیشنل ایمرجنسی اینڈ کرائسز اتھارٹی نے بیان میں کہا ہے کہ فوڈ آؤٹ لیٹس "کوآپریٹو سوسائٹیز ، گروسری ، سپر مارکیٹ" اور فارمیسیوں کو دو ہفتوں کے لیے جانچ پڑتال کے بعد کھولنے کی اجازت دی جائے گی۔
امارات میں ریستورانوں میں لوگوں کو ٹھہرانے پرپابندی عائد کر دی گئی ہے۔
