.

'العربیہ ڈاٹ نیٹ' کی ٹیم کا کرونا کے مریضوں کے آپریشن تھیٹرکا دورہ، سہولیات کا جائزہ

پہلی اشاعت: آخری اپ ڈیٹ:

سعودی عرب کی حکومت نے جہاں ایک طرف کرونا کی وباء پرقابو پانے اور اس کے مزید پھیلائو کی روک تھام کے لیے موثراقدامات کیے ہیں وہیں اس موذی بیماری کا شکار ہونے والے شہریوں کے علاج کے لیے جدید اور بہترین سہولیات کا بھی انتظام کیا گیا ہے۔

سعودی عرب کے اسپتالوں میں کرونا کے متاثرہ افراد کے علاج کے لیے دی گئی سہولیات اور انتظامات کا جائزہ لینے کے لیے العربیہ ڈاٹ نیٹ کی ٹیم نے الاحساء شہر میں قائم شاہ فہد اسپتال کا دورہ کیا۔ اسپتال میں کرونا کے متاثرہ افراد کے علاج کے لیے مختلف کمروں کےاندر کی صورت حال تصاوی کے ساتھ بیان کی ہے۔

اسپتال میں کرونا کے بیماروں کےعلاج کے لیے جدید آلات اور مشینری فراہم کی گئی ہے۔

اس موقعے پر الاحساء کے شاہ فہد اسپتال میں تعینات آرتھوپیڈک سرجن ڈاکٹر محمد سلیم نے بتایا کہ کرونا کے متاثرہ افراد کی سرجری کے لیے مختص آپریشن رومز میں ایگزاسٹ، ہوا کو صاف رکھنے اور کمروں کو کرونا سے پھیلائو سےمحفوظ بنانے کے لیے ان میں فلٹرز نصب کیےگئے ہیں۔

انہوں نے بتایا کہ ڈاکٹروں اورمریضوں کو کرونا سے بچانے کےلیے حفاظتی آلات فراہم کیے گئے ہیں۔ ان میں n95 فیس ماسک، مریض کی سانس بحال رکھنے کے لیے آکسیجن، ڈاکٹروں کے لیے حفاظتی کٹس اور دیگر لوازمات شامل ہیں۔

ایک سوال کے جواب میں ڈاکٹر سلیم نے کہا کہ سرجری کے بعد تمام آلات اور استعمال کے سامان کو جراثیم سے پاک کیا جاتا ہے اور سینٹی لائزر سے ان کی صفائی یقنی کی جاتی ہے۔