اردن کے شہر المفرق میں ایک پرانا بم پھٹنے سے ایک ہی خاندان کے پانچ افراد جاں بحق ہوگئے ہیں۔
اردن کے پبلک سکیورٹی ڈیپارٹمنٹ کے ترجمان نے بتایا ہے کہ بم دھماکے میں ایک عورت اور اس کے چار بچے مارے گئے ہیں۔
العربیہ کے ذرائع کے مطابق ان چاروں بچوں کو ایک بم ملا تھا اور وہ اس کو المفرق میں واقع اپنے محلےمیں لے آئے تھے۔ یہ شہردارالحکومت عمان سے آٹھ کلومیٹر شمال میں واقع ہے۔
اس بم دھماکے کی اطلاع ملتے ہی سکیورٹی فورسز کی خصوصی ٹیمیں جائے وقوعہ کی جانب روانہ کردی گئی تھیں اور انھوں نے واقعے کی تحقیقات شروع کردی ہے۔
