یمن میں سعودی عرب کی جانب سے بارودی سرنگوں اور آبادیوں میں نصب بموں کی تلاش اور تلفی کے پروگرام کے تحت تعز گورنری کے المخا ڈاریکٹوریٹ میں حوثی ملیشیا کی بچھائی 2360 بارودی سرنگیں تلف کردیں۔
العربیہ ڈاٹ نیٹ کے مطابق یمن میں سعودی عرب کے بارودی سرنگوں کے انسداد کے پروگرام 'مسام' کے ڈائریکٹر جنرل اسامہ القصیبی نے بتایا کہ المخا ڈاریکٹوریٹ میں بارودی سرنگوں کےدوران 1020 ٹینک شکن، 500 دھماکہ خیز، 500 فیوز بم، 150 گرنیڈ اور انسانوں کو نشانہ بنانے والے 100 مائن تباہ کیے گئے ہیں۔
القصیبی کا کہنا تھا کہ پروگرام کےتحت المخا میں بارودی سرنگوں کی تلفی کے لیے ماہرین کی ایک ٹیم تشکیل دی گئی تھی جسے 'ٹیم نمبر30' کا نام دیا گیا تھا۔ اس ٹیم نے یمن کے مغربی ساحلی علاقوں میں بارودی سرنگوں کی تلفی کی 17 کارروائیاں انجام دیں جب کہ مجموعی طور پراس ٹیم نے یمن میں بارودی سرنگوں کے خاتمے کی 61 کارروائیاں کی ہیں۔
انہوں نے بتایا کہ سنہ 2018ء کے وسط سے اب تک 9917384 مربع میٹر کا علاقہ بارودی سرنگوں سے صاف کیا ہے۔ اپریل 2018ء سے اب تک 'مسام' پروگرام کے تحت 1 لاکھ 61 ہزار 238 بارودی سرنگیں اور دیگر دھماکہ خیز مواد قبضے میں لے کر اسے تلف کیا گیا۔
