لبنان کی صورتحال مخدوش، حزب اللہ مخالف محاذ قائم کرنا ہوگا: جعجع

لبنان کی ایک بڑی سیاسی جماعت 'لبنانی فورسز' کے صدر سمیر جعجع نے کہا ہے کہ ملک کی صورت حال بہت پیچیدہ اور خطرناک ہے۔ ہمیں حزب اللہ کے خلاف متحدہ محاذ تشکیل دینا ہوگا۔

العربیہ چینل سے بات کرتے ہوئے جعجع نے کہا کہ نئے وزیراعظم حسان دیاب کی حکومت لبنان میں کوئی نیا قدم نہیں اٹھا سکی۔ ان کا کہنا تھا کہ لبنانی فورسز ایسی کسی حکومت کا حصہ نہیں بنے گی جس میں حزب اللہ کو بالادستی حاصل ہو۔

ایک سوال کے جواب میں سمیر جعجع کا کہنا تھا کہ ہم فیوچر پارٹی اور سوشلسٹ موومنٹ کے ساتھ مشترکہ مفاہمت کے حوالے سے بات چیت کررہے ہیں۔

ایک سوال کے جواب میں انہوں نے کہا کہ میشل عون کے صدر منتخب ہونے پرانہیں کوئی ندامت نہیں۔ میں سمجھتا ہوں کہ حزب اللہ صدر سے زیادہ بڑا مسئلہ ہے۔

عوامی مظاہروں سے متعلق ایک سوال کے جواب میں جعجع نے کہا کہ لبنانی عوام کواپنے مطالبات منوانے کے لیے سڑکوں پرآنا پڑا ہے۔