دمام میں سعودی عرب کا دوسرا صنعتی شہر کرونا کی وجہ سے سیل کردیا گیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کی وزارت داخلہ کے ایک ذمہ دار ذریعے نے بتایا ہے کہ کرونا کی وبا کے بڑھتے خطرات کے پیش نظردمام میں قائم دوسرے صنعتی شہر کو سیل کردیا گیا ہے۔

العربیہ ڈاٹ نیٹ کے مطابق وزرات داخلہ کے عہدیدار نے بتایا کہ دمام میں دوسرے صنعتی شہر کو آج 10 رمضان المبارک سے تا حکم ثانی سیل کردیا گیا ہے۔ شہر میں کے اندر اور باہر سے کسی قسم کی ٹریفک کی اجازت نہیں۔ البتہ مال برادر گاڑیوں کو شہر میں داخل ہونے کی اجازت دی جائے گی۔ اس کے علاوہ اہم نوعیت کی صنعتوں کے ملازمین، انتظامیہ کے عہدیداروں اور دیگرمجاز اداروں کے افراد کو بھی داخلے کی اجازت ہوگی۔

ذرائع کا کہنا ہے کہ آج اتوار کے روز دمام شہر کی الاثیر کالونی میں پابندیوں میں نرمی کرنے کا فیصلہ کیا گیا ہے۔

خیال رہے کہ الاثیر کالونی میں 15 اپریل کو لاک ڈائون کیاگیا تھا اور کالونی کے باہر سے شہریوں کی آمد ورفت بند کردی تھی۔

مقبول خبریں اہم خبریں

مقبول خبریں