.

سعودی عرب کی کرونا کے خلاف فلسطینیوں کی ایک کروڑ ریال کی مالی امداد

پہلی اشاعت: آخری اپ ڈیٹ:

سعودی عرب کی طرف سے کرونا کی وبا کے خلاف اقدامات کے لیے فلسطینیوں کو ایک کروڑ ریال کی امداد فراہم کرنے کا اعلان کیا ہے۔

العربیہ ڈاٹ نیٹ کے مطابق اردن میں تعینات سعودی عرب کے سفیر نایف السدیری نے سفارتخانے میں فلسطینیوں کے لیے افتتاحی پروگرام کا افتتاح کرتے ہوئے کہا کہ فلسطینیوں کو کرونا سے لڑنے کے لیے 12 ٹن طبی سامان، ادویات اور نقد رقم فراہم کی جائے گی۔ یہ امدادی سامان شاہ سلمان ریلیف سینٹرکے ذریعے فراہم کیا جائے گا۔ خیال رہے کہ شاہ سلمان ریلیف سینٹر یورپ سے چین تک پوری دنیا میں مختلف نوعیت کی امدادی سرگرمیوں کے لیے کام کررہا ہے۔

ان کاکہنا تھا کہ فلسطینیوں کے لیے امداد کا مقصد فلسطینی وزارت صحت کی کرونا کی وبا کی روک تھام میں اس کی مدد کرنا ہے۔

سعودی عرب کی طرف سے فلسطینیوں کے لیے امدادی پیکج کی ایک ایسے وقت میں منظوری دی گئی ہے جب دوسری طرف خادم الحرمین الشریفین شاہ سلمان بن عبدالعزیز اور ولی عہد شہزادہ محمد بن سلمان نے کرونا سے متاثرہ تمام دوست اور برادر مسلمان ممالک کی بڑھ چڑھ کرامداد فراہم کرنے کا عہد کیا ہے۔