سمندرمیں ایرانی تیل بردار جہازوں پر حملہ کیا توامریکا کو قیمت چکانا ہو گی: روحانی

ایران کے صدر حسن روحانی نے وینزویلا کے لیے بھیجے گئے تیل بردار جہازوں کے حوالے سے امریکا کو خبر دار کرتےہوئے کہا ہے کہ کریبین سمندر میں ہمارے جہازوں کو حملوں کا نشانہ بنایا گیا تو امریکا کو اس کی قیمت چکانا پڑے گی۔

العربیہ ڈاٹ نیٹ کے مطابق ایرانی ایوان صدر کی طرف سے جاری بیان میں کہا گیا ہے کہ صدر حسن روحانی نے امیرقطر سے ٹیلیفون پر بات چیت کی۔ اس موقع پر ایرانی صدر نے خبردار کیا کہ اگر امریکا نے ہمارے آئل ٹینکروں کو نقصان پہنچانے کی کوشش کی تو اس کو بھرپور جواب ملے گا۔ بیان میں امریکا کو خبردار کیا گیا ہے کہ اس نے ہمارے تیل بردار جہازوں کے حوالے سے کسی قسم کی اشتعال انگیزی کی تو واشنگٹن کو اس کی قیمت چکانا پڑے گی۔

خیال رہے کہ ایران کا تیل بردار جہازوں کا پانچواں کاروان اتوار کو وینز ویلا کے ساحل پرپہنچے گا۔ ان جہازوں پر 2 کروڑ 20 لاکھ سے 2 کروڑ 40 لاکھ لیٹر پٹرول لداہوا ہے۔