چین کے ساتھ تمام تعلقات ختم کرنے کا آپشن موجود ہے: ٹرمپ

پہلی اشاعت: آخری اپ ڈیٹ:
مطالعہ موڈ چلائیں
100% Font Size

امریکی صدر ڈونلڈ ٹرمپ نے خبردار کیا ہے کہ چین کے ساتھ اقتصادی روابط سمیت ہرطرح کے تعلقات مکمل طور پرختم کرنے کا آپشن موجود ہے۔ ان کا کہنا ہے کہ امریکی انتظامیہ کے پاس چین سے تمام روابط ختم کرنے کا اختیار ہے اور ہم یہ اختیار کسی بھی وقت استعمال کرسکتے ہیں۔

مائیکرو بلاگنگ ویب سائٹ "ٹویٹر" پر پوسٹ کردہ متعدد ٹویٹس میں امریکی صدر نے کہا کہ چین کے حوالے سے ان کی حکومت کے پاس بہت سے آپشن موجود ہیں۔ متعدد حالات میں چین کے ساتھ ہرطرح کے روابط ختم کرسکتے ہیں۔

انہوں نے اپنی حکومت کے چین کےساتھ تجارتی امور کے نگران رابرٹ لائیتھائزر کے اعتراضات کا جواب دیا۔ مسٹر لائی تھائزر نے چین اور واشنگٹن کے درمیان تجارتی جنگ کے دوران دونوں ملکوں کےدرمیان مذاکرات کی قیادت کی تھی۔

بدھ کو لائیتھائزر نے کانگرس کمیٹی کے سامنےبیان دیتے ہوئے کہا تھا کہ چین اختلافات کم کرنے کے لیے معاہدے کی شرائط کا پابند ہے۔ ان کا کہنا تھا کہ دونوں بڑی معاشی طاقتوں کےدرمیان اقتصادی تعلقات کا مکمل خاتمہ ممکن نہیں۔

انہوں نے مزید کہا کہ چند سال قبل تو امریکا کے لیے چین سے ہرطرح کے تعلقات ختم کرنا ممکن تھا مگر موجودہ حالات میں ایسا کرنا غیر منطقی ہوگا۔

مقبول خبریں اہم خبریں