.

ایران کے دو اضلاع میں کرونا کے 40 فی صد مریض

پہلی اشاعت: آخری اپ ڈیٹ:

ایران کے نائب وزیر صحت علی رضا رئیسی نے بتایا ہے کہ ایران کےدو اضلاع قُم اور جیلان میں کرونا کے 40 فی صد افراد کرونا کا شکار ہوئے ہیں۔ جب کہ تہران میں مجموعی طور پر 15 فی صد آبادی کرونا کاشکار ہے۔

ایران کی سرکاری نیوز ایجنسی "ارنا" کے مطابق نائب وزیر صحت نے ایک بیان میں کہا کہ ایران کے دوسرے اضلاع میں کرونا کے متاثرین کی تعداد چار اور پانچ فی صد کے درمیان ہے۔ اگر ہم مجموعی طور پر متاثرین کی تعداد دیکھنا چاہیں تو ایران میں یہ تعداد 65 فی صد بنتی ہے۔

ادھر ایرانی وزارت صحت کی ترجمان سیما سادات لاری نے بدھ کے روز یومیہ پریس کانفرنس میں بتایا کہ ایران میں کرونا سے اب تک 9996 اموات ہوچکی ہیں۔ سرکاری اعدادو شمار کے مطابق اب تک کرونا کے متاثرہ مریضوں کی تعداد 2 لاکھ 12 ہزار 501 ہوگئی ہے۔ تاہم نائب وزیر صحت نے کرونا وبا کی دوسری لہر اٹھنے کے امکانات کو رد کردیا تھا۔