سعودی عرب کے فرمانروا خادم الحرمین الشریفین شاہ سلمان بن عبدالعزیز آل سعود نے شاہی دیوان کے مشیر اور سپریم علماء کونسل کے رکن الشیخ عبداللہ بن سلیمان المنیع کو امسال یوم عرفات کے موقع پر خطبہ حج کا امام مقرر کیا ہے۔
اس امر کی تصدیق مسجد حرام اور مسجد نبویﷺ امور کے نگران ادارے کی جنرل پرزیڈنسی نے منگل کے روز کیا ہے۔ واضح رہے کہ یوم عرفات کے موقع پر دیے جانے والے خطبہ کی مسلمانوں کے ہاں بہت زیادہ قدر ومنزلت پائی جاتی ہے۔
