بغداد کے بین الاقوامی ہوائی اڈے کے قریب راکٹ حملے

پہلی اشاعت: آخری اپ ڈیٹ:
مطالعہ موڈ چلائیں
100% Font Size

عراق کے سیکیورٹی ذرائع کے مطابق کل جمعرات کی شام دارالحکومت بغداد کے بین الاقوامی فضائی اڈے کے قریب دو الگ الگ مقامات پر راکٹ گرے تاہم ان حملوں میں کوئی جانی نقصان نہیں ہوا۔

عراقی فوج کے میڈیا سیل کے مطابق جمعرات کو 'کاتیوشا' طرز کےدو راکٹ بغداد بین الاقوامی ہوائی اڈے کے قریب الرضوانہ کے مقام پر گرے تاہم ان حملوں میں کسی قسم کے جانی یا مالی نقصان کی تصدیق نہیں کی گئی۔

Advertisement

بیان میں کہا گیا ہے کہ کسی گروپ نے ابھی تک ان حملوں کی ذمہ داری قبول نہیں کی۔ خیال رہے کہ بغداد کے بین الاقوامی ہوائی اڈے پر امریکی فوجیوں کے دستے بھی موجود ہیں۔

قبل ازیں گذشتہ سوموار کو شمالی بغداد میں امریکا کے التاجی فوجی اڈے پر راکٹ حملے کیے گئے تھے۔ سوموار کے روز التاجی فوجی اڈے پر تین کاتیوشا راکٹ گرائے گئے تھے۔

عراق سیکیورٹی فورسز کے مطابق تینوں راکٹ التاجی فوجی اڈے کے اس حصے میں گرے جہاں عراقی فوج تعینات ہے۔

خیال رہے کہ عراق میں 'داعش' کے خلاف کارروائیوں کے لیے 5000 امریکی فوجی تعینات ہیں۔ یہ فوجی داعش مخالف بین الاقوامی اتحاد کا حصہ ہیں۔

رواں سال تین جنوری کو ایرانی پاسداران انقلاب کے کمانڈر قاسم سلیمانی کے قتل کے بعد بغداد میں امریکی فوج کی تنصیبات اور امریکی سفارت خانے پر بار بار حملے کئے جاتے رہے ہیں۔ مبصرین اور امریکی حکام کا کہنا ہے کہ بغداد میں ہونےوالے حملوں کے پیچھے ایرانی حمایت یافتہ عسکریت پسند گروپوں کا ہاتھ ہے۔

مقبول خبریں اہم خبریں