کل جمعرات کو سعودی عرب کے وزیر خارجہ شہزادہ فیصل بن فرحان نے پیرس میں اپنے فرانسیسی ہم منصب جو ایف لوڈریان سے ملاقات کی۔
العربیہ ڈاٹ نیٹ کےمطابق سعودی وزیرخارجہ نے اپنے ٹویٹر ہینڈل پر پوسٹ کردہ ایک بیان میں بتایا کہ ان کی فرانسیسی ہم منصب کے ساتھ خوش ماحول میں ملاقات ہوئی۔ اس ملاقات میں دونوں ملکوں کے باہمی تعلقات، خطے کی صورت حال اور علاقئی امن استحکام کے ساتھ ساتھ 'جی 20' کے سعودی عرب کی میزبانی میں ہونے والے اجلاس کی تیاریوں پر بات چیت کی گئی۔
انہوں نے بتایا کہ فرانسیسی ہم منصب سے ہونے والی بات چیت میں لیبیا کی صورت حال اور یمن میں سعودی عرب کی مساعی سے جنگ بندی کی کوششوں پر بھی تبادلی خیال کیا گیا۔
دوسری جانب فرانسیسی وزارت خارجہ کا کہنا ہے کہ یمن میں امن استحکام کے لیے پیرس سعودی عرب کی کوششوں کی حمایت جاری رکھے گا۔
