مصر:چھوٹا طیارہ بحیرہ احمر کے نزدیک جونا ائیرپورٹ پرگر کر تباہ ، دونوں پائیلٹ ہلاک

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

مصر میں ایک چھوٹا پرائیویٹ طیارہ جمعرات کے روز بحیرہ احمر کے نزدیک واقع جونا کے ہوائی اڈے پر گر کر تباہ ہوگیا ہے اور اس کے دونوں پائیلٹ ہلاک ہوگئے ہیں۔

مصر کی شہری ہوابازی کی وزارت کے ترجمان باسم عبدالکریم نے بتایا ہے کہ تباہ شدہ دو نشستی طیارہ ائیر مین اسکائی اسپورٹس کے نام رجسٹر تھا اور یہ آزمائشی پرواز پر تھا۔

مصر کے پراسیکیوٹرجنرل اور سول ایوی ایشن کی وزارت نے حادثے کی تحقیقات شروع کردی ہے۔

واضح رہے کہ مصر میں حالیہ برسوں میں متعدد فضائی حادثات ہوچکے ہیں۔نومبر 2015ء میں روس کا ایک مسافر طیارہ بم دھماکے میں تباہ ہوگیا تھا اور اس میں سوار تمام 224 افراد ہلاک ہوگئے تھے۔داعش نے اس طیارے کو بم سے اڑانے کی ذمے داری قبول کی تھی۔

مئی 2016ء میں مصرکی سرکاری فضائی کمپنی کا طیارہ بحر متوسط میں گر کر تباہ ہوگیا تھا اور اس میں سوار 66 افراد ہلاک ہوگئے تھے۔ مصری طیارہ پیرس سے قاہرہ آرہا تھا۔

مقبول خبریں اہم خبریں

مقبول خبریں