عراق : بغداد ائیرپورٹ کے نزدیک راکٹ حملہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size

عراق کے دارالحکومت بغداد کے بین الاقوامی ہوائی اڈے کے نزدیک اتوار کو دو راکٹ گرے ہیں لیکن ان سے کوئی جانی نقصان نہیں ہوا۔بغداد میں ایک ہفتے میں حساس تنصیبات پر یہ تیسرا راکٹ حملہ ہے۔

عراقی سکیورٹی فورسز کے ایک بیان کے مطابق دو کاتیوشا راکٹ بغداد انٹرنیشنل ائیرپورٹ کی طرف جانے والی شاہراہ پر گرے ہیں۔ فوری طور پر کسی گروپ نے اس راکٹ حملے کی ذمے داری قبول نہیں کی ہے۔

ہفتے کے روز عراقی دارالحکومت کے انتہائی سکیورٹی والے علاقے گرین زون میں ایک راکٹ گرا تھا۔ قلعہ نما گرین زون میں سرکاری دفاتر ، پارلیمان اور غیر ملکی سفارت خانے واقع ہیں۔گذشتہ جمعرات کو اسی علاقے میں تین راکٹ گرے تھے۔ان دونوں راکٹ حملوں میں بھی کوئی جانی نقصان نہیں ہوا تھا۔

Advertisement

امریکا عراق میں ایران کے حمایت شیعہ مسلح گروپوں پر اس طرح کے راکٹ حملوں کا الزام عاید کرتا چلا آرہا ہے جبکہ ایران نے ان واقعات کے حوالے سے براہ راست کوئی بیان جاری نہیں کیا ہے۔

مقبول خبریں اہم خبریں