.

محمد بن سلمان اور جیرڈ کشنر کے درمیان خطے میں امن عمل کے امکانات پر بات چیت

پہلی اشاعت: آخری اپ ڈیٹ:

سعودی ولی عہد اور وزیر دفاع شہزادہ محمد بن سلمان نے منگل کے روز امریکی صدر کے سینئر مشیر جیرڈ کشنر اور ان کے ہمراہ آئے ہوئے وفد سے ملاقات کی۔

ملاقات کے دوران دونوں ملکوں کے درمیان شراکت داری اور تمام شعبوں میں اس کی مضبوطی کی اہمیت پر تبادلہ خیال ہوا۔ علاوہ ازیں خطے کا امن و استحکام اور عالمی امن و سلامتی جیسے موضوعات بھی زیر بحث آئے۔

اسی طرح خطے میں امن عمل کے مستقبل میں کامیابی کے امکانات پر بات چیت ہوئی۔ اس موقع پر دونوں شخصیات نے فلسطینیوں اور اسرائیلیوں کے درمیان مذاکرات کے دوبارہ آغاز کی ضرورت پر زور دیا گیا تاکہ منصفانی اور مستقل امن یقینی بنایا جا سکے۔

ملاقات میں سعودی وزیر خارجہ فیصل بن فرحان بن عبداللہ موجود تھے۔