عراق کی نینویٰ گورنری کی پولیس نے شدت پسند تنظیم 'داعش' کے ایک جنگجو کے ٹھکانے پر چھاپے کے دوران چوری ہونے والی نایاب مسیحی کتابوں کا ایک بڑا ذخیرہ برآمد کیا ہے۔
پولیس کا کہنا ہے کہ یہ کتابیں 'داعش' نے موصل شہر کے ایک گرجا گھر سے چوری کرلی تھیں۔
شرطة نينوى تلقي القبض على إرهابي بحوزته (32) كتاباً أثرياً يعود للديانة المسيحية، فقد سُرقت من الكنائس وأخفاها في منزله في منطقة باب الجديد في الجانب الأيمن لمدينة #الموصل. pic.twitter.com/dCgfWrue9E
— محمود النجار | Mahmoud Al-Najjar (@Mahmood_Najar) September 21, 2020
نینویٰ پولیس چیف لیث الحمدانی نے ایک بیان میں بتایا کہ داعشی جنگجو نے یہ کتابیں اپنے گھر کے باورچی خانے میں لوہے کے صندوقوں میں چھپا رکھی تھیں۔ پولیس نے انٹیلی جنس معلومات کی بنیاد پر چھاپہ مارا۔ داعش کے ایک جنگجو کو گرفتار کرنے کے ساتھ اس کے ٹھکانے سے 32 قیمتی عیسائی مذہبی کتابیں بھی برآمد کیں۔ یہ کتابیں موصل کے باب الجدید کے علاقے میں چھپائی گئی تھیں۔ داعش نے انہیں موصل شہر پر قبضے کے دوران ایک چرچ سے چوری کیا تھا۔
پولیس نے قبضے میں لی گئی کتابوں کی تصاویر اور ویڈیو بھی جاری کی ہے جس میں لوہے کے صندوق اور پرانی کتابیں دیکھی جا سکتی ہیں۔
