عبداللہ حمدوک کا سوڈان کا نام دہشت گرد ممالک کی فہرست سے نکالنے کا مطالبہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سوڈان کے عبوری وزیراعظم عبداللہ حمدوک نے ایک بار پھر مطالبہ کیا ہے کہ سوڈان کا نام دہشت گردوں کی پشت پناہی کرنے والے ممالک کی فہرست سے نکالا جائے۔

العربیہ کے مطابق حمدوک نے ایک بیان میں‌ کہا کہ ان کے ملک نے بین الاقوامی قانون کے تحت انسداد دہشت گردی اور دہشت گردوں کی فنڈنگ روکنے کے لیے بہت کچھ کیا ہے۔

جنرل اسمبلی کے اجلس کو بھیجے ایک ویڈیو پیغام میں حمدوک نے کہا کہ سوڈان عالمی برادری کے ساتھ مل کر دہشت گردی کے خلاف کوششیں کر رہا ہے۔

ان کا کہنا تھا کہ اب وقت آ گیا ہے کہ سوڈان پر عاید کی گئی پابندیاں ختم کی جائیں اور سوڈان کا نام دہشت گردوں کی معاونت کرنے والے ملکوں کی فہرست سے خارج کی جائے۔

انہوں‌ نے امریکی انتظامیہ اور امریکی کانگرس کی طرف سے سوڈان کا نام دہشت گرد ممالک کی فہرست سے نکالنے کی کوششوں کو سراہا۔

خیال رہے کہ سوڈان کا نام دہشت گردی کی پشت پناہی کرنے والے ممالک کی فہرست میں شامل ہونے کی وجہ سے خرطوم عالمی اقتصادی معاونت کے حصول سے محروم ہے۔

مقبول خبریں اہم خبریں

مقبول خبریں