.

لبنان کے سابق وزیر خارجہ جبران باسیل کرونا کا شکار

پہلی اشاعت: آخری اپ ڈیٹ:

لبنان میں وزارت صحت کے حکام کا کہنا ہے کہ سابق وزیر خارجہ جبران باسیل کرونا کا شکار ہوگئے ہیں۔ دوسری طرف جبران باسیل کے خاندان نے بھی ان کے کرونا کا شکار ہونے کی تصدیق کی ہے۔

العربیہ ڈاٹ نیٹ کے مطابق نیشنل فریڈم پارٹی کے شعبہ اطلاعات کی طرف سے جاری کردہ بیان میں کہا گیا ہے کہ رکن پارلیمنٹ اور سابق وزیر خارجہ جبران باسیل کرونا کا شکار ہوگئے ہیں۔ ہفتے کی شام ان کے کرونا کے ٹسٹ مثبت آنے کے بعد انہیں اس وبا کا مریض قرار دیاگیا۔ اتبدائی طبی معائنے سے معلوم ہوا ہے کہ جبران باسیل کی بیماری کی نوعیت ابتدائی ہے اور ان کی زندگی کو کسی قسم کا خطرہ نہیں ہے۔

جبران باسیل کا ایک بیان بھی سامنے آیا ہے جس میں انہوں نے کہا ہے کہ وہ اپنے تمام ملنے والوں سے الگ الگ رابطہ نہیں کرسکتے تاہم وہ معذرت کرتے ہیں کہ میری وجہ سے انہیں اس بیماری کے خطرہ کا سامنا کرنا پڑسکتا ہے۔ تاہم ان کا کہنا ہے کہ وہ نہیں جانتے تھے کہ انہیں کرونا عارضہ لاحق ہوگیا ہے۔

جبران باسیل کا کہنا ہے کہ وہ خود کو دوسرے لوگوں سے الگ تھلگ کریں گے تاکہ ان کی وجہ سے مزید لوگوں کی زندگی کو خطرات سے بچایا جاسکے۔