جنوبی یمن میں سرکاری فوج کے حملے میں حوثی کمانڈر ساتھیوں سمیت ہلاک

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمن کے مغرب میں الحدیدہ گورنری کے نواحی علاقے حیس میں سرکاری فوج کے ساتھ جھڑپ میں ایرانی حمایت یافتہ حوثی ملیشیا کا ایک فیلڈ کمانڈر شیخ الدین خالد عبدالرحمان عبدالوہاب المعروف ابو النور اپنے پانچ ساتھیوں سمیت ہلاک ہو گیا۔

یمن کی جوائنٹ فورسز کی طرف سے بدھ کے روز جاری ایک بیان میں کہا گیا ہے کہ ابو النورنے اپنے ساتھ جنگجووں کے ساتھ حیس شہر کے شمال میں بنی مغاری گائوں کی طرف دراندازی کی کوشش کی تاہم سرکاری فوج کے ساتھ جھڑپ شروع ہوگئی جس میں وہ موقع پر ہلاک ہوگئے۔

یمنی فوج کی عمالقہ یونٹ کی طرف سے جاری ایک بیان میں کہا گیا ہے کہ حوثی جنگجووں کی وادی مغاری میں داخلے کی کوشش کے دوران انہیں نشانہ بنایا گیا جس کے نتیجے میں حوثیوں کا ایک فیلڈ کمانڈر ابو النور اپنے تین ساتھیوں سمیت ہلاک ہوگیا۔ لڑائی میں درجنوں حوثی باغی زخمی بھی ہوئے ہیں۔ ابو النور کو قتل سے تین روز قبل ابو حسین الکبسی کی ہلاکت کے بعد اس علاقے کا فیلڈ کمانڈر مقرر کیا گیا تھا

مقبول خبریں اہم خبریں

مقبول خبریں