بیروت میں ایک گودام میں دھماکے، چار افراد ہلاک، 20 زخمی

لبنان کے دارالحکومت بیروت میں نیو روڈ کے علاقے میں گودام میں ہونے والے دھماکوں کے نتیجے میں کم سے کم چار افراد ہلاک اور چار زخمی ہوگئے ہیں۔

یہ واقعہ بیروت میں محلہ الرفاعی ابو شاکر چوک میں‌ پیش آیا۔ دھماکے کے نتیجے میں زمین بوس ہونے والی عمارت کے ملبے ایک اور لاش نکالی گئی ہے جس کے بعد اس دھماکے سے ہونے والی ہلاکتوں کی تعداد 4 ہوگئی ہے۔

مقامی ذرائع ابلاغ کے مطابق دھماکے میں کم سے کم 20 افراد زخمی ہوئے ہیں جنہیں علاج کے لیے بیروت کے المقاصد اسپتال منتقل کر دیا گیا ہے۔ پولیس اور دوسرے اداروں نے جائے وقوعہ پر پہنچ کر واقعے کی تحقیقات شروع کردی ہیں۔ حکام اس بات کا پتا چلانے کی کوشش کر رہے ہیں کہ آیا یہ دھماکے دھماکہ خیز مواد کے نتیجے میں ہوئے ہیں یا نہیں۔

ذرائع کے مطابق پولیس نے المازوت گودام کے مالک کو گرفتار کر لیا ہے۔ اسے بھی زخمی حالت میں اسپتال منتقل کیا گیا تھا۔

ذرائع کا کہنا ہے کہ گودام کے مالک کے ابتدائی بیان سے معلوم ہوا ہے کہ دھماکہ پٹرول ذخیرہ کرنے والی ایک ٹینکی میں ہوا ہے۔ دھماکے کی آواز دور دور تک سنی گئی۔ دھماکے کے بعد گودام کی بجلی منقطع ہوگئی۔