یمن میں آئینی حکومت کے دفاع کے لیے قائم کردہ عرب اتحاد کی طرف سے جاری کردہ ایک بیان میں کہا گیا ہے کہ مسلح افواج نے یمن میں حوثیوں کے ایک اڈے پر بمباری کر کے سعودی عرب پر حملے کے لیے تیار کردہ بیلسٹک میزائل کو اس کے اڈے پر ہی تباہ کر دیا۔
عرب اتحادی فوج کی طرف سے جاری کردہ بیان میں کہا گیا ہے کہ اتحادی فوج حوثیوں کی دہشت گردی کا پوری قوت سے مقابلہ کرنے اور حوثیوں کی طرف سے شہریوں کی زندگیوں کو خطرے میں ڈالنے کی سازشوں کو ناکام بنانے کے لیے ہمہ وقت تیار ہے۔
عرب اتحادی فوج نے یمنی فوج اور قبائلی مزاحمت کاروں کی مدد سے الجوف، مارب اور دوسرے علاقوں میں حالیہ ایام میں کی گئی کارورائیوں کے دوران ایرانی حمایت یافتہ حوثی ملیشیا کو بھاری جانی اور مالی نقصان پہنچا چکی ہے۔
